Khabib Nurmagomedov fitoi ndaj Conor McGregorit në UFC, por përballja mes tyre vazhdon të komentohet pas përleshjes masive të filluar nga rusi.
Të gjithë mendonin se Conori ishte ‘viktima’ në gjithë këtë kaos, por ishte irlandezi ai që i goditi i pari një nga pjesëtarët e skuadrës së Khabib teksa po qëndronte mbi rrethojat e kafazit.
Bëhet fjalë për kushëririn e Khabib, Abubakar Nurmagomedov, i cili tregon versionin e tij se si filloi çdo gjë mes tij dhe Conorit.
https://www.youtube.com/watch?v=UoYsiSdhIdQ
“U ngjita në kafaz dhe bushtra irlandeze më goditi. Por, as unë nuk u tërhoq prapa. Bam, boom! E godita dy herë”.
Abubakar vazhdoi duke thënë se kapela e leshit që ishte duke e mbajtur në dorë e pengoi të godas më shumë Conorin.
“Papakha (emri i kapelës) më pengoi, isha duke e mbajtur me dorën e majtë”, ka thënë Abubakar.
Abubakar, është 28 vjeçar dhe është sportist në UFC, përballja e tij e fundit ishte në gusht, ku fitoi ndaj Jonathan Westin në tre runde.
Që nga debutimi i tij në UFC në vitin 2011 në ‘welterweight’ (kategori mes peshës së lehtë dhe asaj të mesme) ka vetëm dy humbje. /Telegrafi/
https://www.youtube.com/watch?v=ftfFJsVYkls