Tom Hardy gjithnjë e më shumë po përmendet si kandidat potencial për rolin e James Bondit. Aktori e ka pohuar interesimin e tij për këtë rol, mirëpo nuk i ka komentuar spekulimet nëse ai mund të jetë ‘007’ i ardhshëm.
“Në mesin e aktorëve, por edhe në mesin e miqve të mi po qarkullojnë thashetheme se nëse flet për këtë gjë, atëherë menjëherë të heqin nga konkurrimi. Prandaj nuk mund ta komentoj”, ka thënë ai për Daily Beast, kur është pyetur se sa janë të vërteta thashethemet.
Më tej, aktori ka thënë se angazhimi i tij në rolin e agjentit britanik do të varej edhe nga regjisori, ndërsa Christopher Nolanin (një nga kandidatët) e ka konsideruar si të përsosur.
Qe një kohë të gjatë po spekulohet se Daniel Craig nuk do ta xhirojë edhe filmin e pestë për James Bondin.
Prandaj, krahas Hard – Tom Hiddleston, Idris Elba, Jamie Bell e Tom Hughes – janë kandidatët potencialë. /Telegrafi/