Hip hop superylli, Lumi B, lansoi vetëm pak kohë më parë videoklipin e tij të ri në bashkëpunim me Gjikon, “Kush je Ti”.
Por, përkundër suksesit të madh të klipit, Lumi nuk e ka parë këtë si arsye për t’u ndalur.
Të paktën në një postim në rrjetin social Instagram ai shfaqet përkrah mjeshtrit të hiteve, bosit të Redbox, BigBang Beats.
Lumi në këtë postim ka paralajmëruar projektin e ri, që sipas tij do të jetë një goditje të fortë.
Burime të Telegrafit mësojnë se bëhet fjalë për një projekt ku ai tregohet i ashpër me rivalët e tij.
Ende nuk dihen detajet se kush është caku i radhës i reperit, por kur dihet se në prani të tij është njeriu i hiteve, Big Bang bashkë me rimat e shkëlqyera të tij, publiku sigurisht se mund të presë befasi të madhe.
Detaje të tjera pritet të zbulohen në ditët në vijim, kurse Lumi B duket se tashmë ka përfunduar xhirimet e klipit.
Lumi B vazhdon të jetë një prej artistëve shqiptarë më të kërkuar, i cili lansimin e hiteve e ka bërë gjë të zakonshme nën ombrellën e RedBox. /Telegrafi/