Edhe pse nuk është debati i momentit (do të jetë kur të vijë koha e Topit të Artë), faqja zyrtare e UEFA-s, në versionin francez, ka nisur një sondazh: Messi apo Cristiano, kush është më i mirë?
Faqja e organit drejtues të futbollit evropian ka shfrytëzuar deklaratat e Hatem Ben Arfa në “France Football” për të rihapur një debat që sikur ishte harruar kohët e fundit.
Rezultati është 57% me 43% në favor të argjentinasit të Barcelonës.
Dy lojtarët i kanë fituar nëntë Topat e Artë të fundit.
Messi ka fituar pesë Topa të Artë, ndërsa Cristiano Ronaldo ka fituar katër. Këtu mund të votoni edhe ju.