Bukayo Saka ka qenë një nga lojtarët e Anglisë që ka shkëlqyer në Euro 2024.
Ylli i Arsenalit është në lidhje prej kohësh me partneren e tij, Tolami Benson, e cila e ka ndjekur atë në çdo ndeshje të Kampionatit Evropian.
Kush është e dashura e Bukayo Saka, Tolami Benson?
Tolami Benson është 23-vjeçe, një vit më e madhe se i dashuri i saj, Bukayo Saka.
Benson, e cila ka 149 mijë ndjekës në Instagram, është shumë aktive në rrjete sociale ku ndan fotografi të ndryshme, e në të shumtën e rasteve shfaqet krah yllit të futbollit.
Ajo është gjithashtu një tifoze e Gunners, që ka postuar foto edhe me fanellë e duke i përcjellë ata.
Sa kohë janë bashkë?
Dyshja mendohet se kanë filluar të takohen në fund të vitit 2020, por e kanë mbajtur të fshehtë lidhjen e tyre deri vonë.
Ata nuk ndajnë foto të tyre së bashku, madje as nuk e ndjekin njëri-tjetrin në rrjetet sociale.
Thashethemet për romancë nisën kur Benson hodhi në Instagram një foto me dikë me maskë, në vitin 2021.
Romanca e tyre u zbulua më vonë nga fansat në shkurt 2022, kur dyshja ndanë foto individuale të tyre në një jaht në Dubai.
Megjithatë, asnjëri nuk e ka konfirmuar ende lidhjen e tyre.
Tolami ka mbështetur të dashurin e saj në Euro 2024 teksa ajo është parë mes turmës.
Bukuroshja ka qenë e ulur krah të tjerëve, si Megan Pickford, e cila është e martuar me portierin anglez, Jordan Pickford.
Tolami punon në Marrëdhënie me Publikun. Ka studiuar në Birmingham City University dhe ka diplomuar në të njëjtën fushë. /Telegrafi/
