Luis Figo ka mbështetur Real Madridin për të mposhtur Barcelonën në përballjen e së shtunës në El Clasico.
“Një kalsike është gjithmonë e paparashikueshme… por Madridi duhet të favorizohet pak, sepse ata luajnë në shtëpi dhe duhet të fitojnë për të qenë atje në krye”, deklaroi portugezi në radion spanjolle.
Figo, i cili kaloi në mënyrë famëkeqe nga Barcelona në Real Madrid në vitin 2000, vlerësoi përzierjen e moshës dhe përvojës së Barcelonës, por theksoi rëndësinë e avantazhit të shtëpisë.
“Barcelona ka një përzierje eksperience dhe rinie, me cilësi dhe talent… Por, lidhja e Real Madridit me tifozët e tyre u jep atyre jetë, energji dhe intensitet shtesë”, vuri në dukje Figo.
Figo theksoi paraqitjet e vazhdueshme të Robert Lewandowski për Barcelonën, por theksoi shpirtin luftarak të Real Madridit dhe mbështetjen e turmës.
Parashikimi i tij mund të mos u përshtatet tifozëve të Barcelonës, të cilët ende e shohin Figon si një tradhtar për transferimin e tij të diskutueshëm te Real Madridi. /Telegrafi/