Marrëveshja e shkëmbimit që përfshin Mattia De Sciglio të Juventusit dhe Layvin Kurzawa të Paris Saint-Germain është ngadalësuar.
Bisedimet midis dy gjigandëve erdhën nga askund dhe përparuan me një ritëm të shpejtë, me mendimin se marrëveshja mund të përfundohej shpejt.
Dje (e shtunë) trajneri i PSG-së, Thomas Tuchel, konfirmoi marrëveshjen, por tani ka zëra për një stagnim.
“Tashmë unë kam dhënë miratimin e këtij shkëmbimi, por asgjë nuk është vendosur ende midis dy klubeve. Situata është ende e hapur”, ka thënë Tuchel.
Sipas mediumit italian Tuttosport, shkëmbimi Kurzawa-De Sciglio është ngadalësuar dhe arsyeja është mos-bindja e francezit.
De Sciglio tanimë ka dhënë pëlqimin e tij për marrëveshjen, por Kurzawa po heziton pasi pret një ofertë nga Liga Premier përpara se të pranonte një transferim te Juve.
Arsenali mendohet se është i interesuar të nënshkruajë me mbrojtësin e krahut të majtë. /Telegrafi/