Kryetari i Lëvizjes Vetëvendosje, Albin Kurti gjatë një vizite sot në Prizren është takuar me kryetarin e kësaj komune Mytaher Haskuka dhe zyrtarë të tjerë komunalë.
Gjatë kësaj vizite, kreu i Vetëvendosjes së bashku me Haskukën kanë vizituar panairin vjetor të librit në këtë komunë.
Kurti me këtë rast falënderoi të gjithë shitësit për kontributin e tyre, derisa foli për rëndësinë e librit në edukim, kulturë dhe shtet-ndërtim.
Gjatë ditës, Kurti mori pjesë edhe në përurimin e Zyrës së Gjendjes Civile në Reçan. Sipas Haskukës, gurthemeli i vitit të kaluar, tanimë është shndërruar në një zyre të re të gjendjes civile që ofron mbi 700 shërbime në ditë për banorët e shtatë fshatrave.
Ndërsa, Kurti ka thënë se hapja e kësaj zyre është në kuadër të zotimit të qeverisjes së Lëvizjes Vetëvendosje në Prizren për decentralizimin e shërbimeve në mënyrë që ato të jenë sa më afër qytetarëve. /Telegrafi/
