Kryeministri i vendit, Albin Kurti ka uruar qytetarët e besimit ortodoks për Krishtlindje.
Kurti në urimin e tij thotë se kjo festë e krishterë udhëzon për dashuri e besim, mirësi e paqe midis njerëzve.
“Qytetarëve tanë të komunitetit serb të besimit ortodoks që festojnë sipas kalendarit julian, Gëzuar Krishtlindjen! Festën e pasurojnë edhe më shumë urimet e përzemërta për harmoni, lumturi dhe mirëkuptim ndërmjet njerëzve, që frymëzim i kanë mësimet e Jezu Krishtit. Përveçse kremtë, Krishtlindja është edhe rikujtim për mirënjohje, dashamirësi, devotshmëri dhe shërbim pa kushte ndaj të mirës për të tjerët e për shoqëri më të drejtë për të gjithë”, ka theksuar kryeministri.
Tutje ai ka shkruar “ta festoni gëzuar Krishtlindjen në familjet tuaja”./Telegrafi/
