Kryeministri i Republikës së Kosovës, Albin Kurti, priti në takim ambasadorin jo rezident të Republikës së Guineas në Berlin, Sh.T Mamadou Siradiou Diallo, të shoqëruar prej këshilltarit të Ambasadës së Republikës së Guineas në Berlin, Mamadou Bouliwel Sow.
Kryeministri Kurti i uroi punë të mbarë ambasadorit, të cilin e falënderoi për aktin e njohjes së Kosovës nga shteti i Guineas.
Ai nënvizoi se kjo bën pjesë në linjën e besnikërisë ndaj historisë së dy popujve.
Kryeministri Kurti shprehu dakordësinë e tij me vizitën e mundshme të Presidentit të Guineas, si dhe me shënimin e relacioneve kulturore dhe ekonomike mes dy shteteve.
“Përvojat përkatëse të dy shteteve në të shkuarën duhet ta nxisin bashkëpunimin në të ardhmen”, thuhet në njoftim. /Telegrafi/