Kryeministri i Kosovës, Albin Kurti priti në takim profesorin e Universitetit shtetëror të Iowa, Dr. Curtis Youngs.
Në takim, siç informoi të shtunën (8 korrik) zyra e kryeministrit, u theksuan të arriturat në sektorin e bujqësisë në Kosovë dhe potenciali që ka ky sektor për të ndikuar në zhvillimin ekonomik të vendit.
Po ashtu, u bisedua për avancimin e mëtejmë të bashkëpunimit akademik dhe profesional ndërmjet Iowa-s dhe Kosovës për zhvillimin e sektorit të bujqësisë dhe blegtorisë, duke u bazuar në praktikat më të mira ndërkombëtare.
“U vlerësua zbatimi i Memorandumit të Bashkëpunimit me Universitetin e Iowa-s të Shkencës dhe Teknologjisë me Ministrinë e Bujqësisë, Pylltarisë dhe Zhvillimit Rural, me theks të veçantë në shkëmbimin e përvojave dhe praktikave më të mira në bujqësi dhe blegtori.”, u bë e ditur në komunikatë. /Telegrafi/