Kryetari i Lëvizjes Vetëvendosje, Albin Kurti dje u takua virtualisht me ekipin e Fondit Monetar Ndërkombëtar (FMN), të cilët i ka njoftuar me qëndrimet e këtij subjekti politik lidhur me menaxhimin e ekonomisë dhe shëndetësisë sëe vendit në kohën e pandemisë.
Sipas VV-së, në këtë takim është folur edhe për problemet që sipas Lëvizjes përcjellin pakon e rimëkëmbjes ekonomike të përgatitur nga Qeveria jolegjitime, të cilat edhe po e pamundësojnë kalimin e saj në kuvend.
“Sidomos u veçuan parregullsitë e shumta që e shoqërojnë trajtimin që i bën qeveria jolegjitime trustit pensional të vendit, si dhe të hyrave të grumbulluara nga procesi i privatizimit. Në takim u shkëmbyen informata mbi zhvillimet e deritanishme me menaxhimin e pandemisë në Kosovë, si dhe implikimet e saj si për ekonominë e vendit ashtu edhe për shëndetin e financave publike në Kosovë”, thuhet në njoftim. /Telegrafi/