Kryeministri Albin Kurti ka përkujtuar masakrën e Suharekës të vitit 1999.
Para 24 vitesh, forcat serbe vranë dhe masakruan 50 anëtarë të familjes Berisha në Suharekë. Mes tyre edhe 11 fëmijë.
Pas vrasjeve, rrëmbyen edhe kufomat. Zhdukën kufomat, në përpjekje të zhdukjes të së vërtetës.
“Por kjo e vërtetë kriminale e shtetit të Serbisë, nuk mund të zhduket e as harrohet. Kjo është e kaluara jonë e cila nuk kalon”, ka shkruar Kurti në Facebook.
“U përkulemi për forcën e pashembullt të mbijetuarve të vetëm të kësaj masakre, zonjës Shyhrete, zonjës Vjollca dhe Gramozit. Pëgramoz berrkulemi me nderim të përjetshëm para të gjithë atyre që u flijuan”.
“I përjetshëm qoftë kujtimi për ta!” ka shkruar në fund kryeministri.
Poashtu gjatë ditës bashkë me kryesuesin e Komisionit Qeveritar për Personat e Zhdukur, Andin Hoti, deputetë të Kuvendit të Kosovës, ambasadorin e Republikës së Shqipërisë në Kosovë, Qemal Minxhozi, dhe përfaqësues të tjerë institucional, Kurti bëri homazhe në varrezat në Krushë të Madhe dhe në Krushë të Vogël.
“Ato shumë varre, ku nuk e kemi Ukshin Hotin, janë dëshmi e madhe e gjenocidit të Serbisë”, ka deklaruar Kurti. /Telegrafi/
