Kryeministri, Albin Kurti i është përgjigjur deputetit të PDK-së, Fadil Nura i cili tha se me të ardhur në pushtet Kurti i harroj dy aktivistët e LVV-së, Arben Xheladini dhe Mon Balaj që u vranë në protestat e 2007-tës.
Kurti ka thënë se pas protestës së 10 shkurtit 2007, ishte publikuar një raport i shefit të shtyllës së dytë të UNMIK-ut, Rober Din ku është konstatuar se vrasja e Arben Xheladinit dhe Mon
Balajt ka qenë edhe e panevojshme dhe e evitueshme.
“Paneli këshillues për të drejta e njeriut në kuadër të UNMIK-ut e patë trajtuar këtë çështje me sukses të pjesshëm jo i plotë. Si Qeveri vlerësojmë se kjo duhet të marrë rrugën e drejtësisë. Prej ekipit të policëve që kanë qenë pjesëmarrës në protestën e 10 shkurtit 2007. Nga 11 polic të Rumanisë në kuadër të UNMIK-ut 2 prej tyre me siguri janë vrasës, ata nuk janë më nën ombrellën e UNIKM-ut ata janë në Rumani. Ministrja Haxhiu i ka shkruar Rumanisë, por nuk ka marrë përgjigje”, tha Kurti.
Kryeministri thekoi se është koha që prokuroria jonë të veproj. /Telegrafi/