Kryeministri i vendit, Albin Kurti po qëndron në një vizitë në Francë, në mbështetje të sportistëve kosovarë në Lojërat Olimpike 2024.
Kurti ka pohuar se presidenti francez Emannuel Macron i ka bërë bashkë ditën e premte liderët dhe partnerët e rëndësishëm të botës demokratike, transmeton Telegrafi.
“Lojërat Olimpike 2024 po sjellin botën në Paris, e Presidenti Francez, Macron na bëri dje bashkë në Pallatin Elysee. Shkëmbime e bashkëbisedime me liderë dhe partnerë të rëndësishëm të botës demokratike”, thotë kryeministri në postimin e bërë në Facebook.
Kujtojmë se ekipi olimpik i Kosovës përbëhet nga nëntë sportistë, ndërsa gara që filloni ë 26 korrik do të zgjasë deri më datë 11 gusht.
Gjashtë është numri i sportistëve të kualifikuar, pesë nga xhudo dhe një nga boksi, si dhe tre sportistë me ftesë të univerzalitetit, dy nga noti dhe një nga atletika./Telegrafi/
