Kurti: Senatori Bob Dole ishte përkrahës i pazëvendësueshëm i lirisë së Kosovës

Kryeministri i Kosovës Albin Kurti ka shprehur ngushëllimet e tija dhe të popullit të Kosovës për popullin amerikan me rastin e vdekjes së ish-senatorit republikan Bob Dole.

Në një postim në Twitter Kurti thotë se ndjehet i pikëlluar nga vdekja e senatorit Bob Dole, duke kujtuar atë si përkrahës të pazëvendësueshëm të lirisë së Kosovës.

“Ndjehem thellësisht i pikëlluar nga lajmi për ndarjen nga jeta të senatorit Bob Dole. Duke i dërguar ngushëllime të përzemërta familjes Dole dhe kombit amerikan, ne vajtojmë dhe nderojmë një hero amerikan dhe një përkrahës të pazëvendësueshëm të lirisë së Kosovës. U prehtë në paqe”, ka shkruar Kurti në Twitter.

Ish senatori republikan, Bob Dole, vdiq të dielën në moshën 98-vjeçare.

Në muajin shkurt të këtij viti, ish senatori Dole, bëri të ditur se ishte diagnostikuar me kancer në mushkëri./Telegrafi/