Diego Maradona asnjëherë nuk pranon ekzistencën e një lojtari më të mirë se vetja, por në një intervistë të fundit ka thënë se Lionel Messi është më i miri që ka parë në jetën e tij.
Pengu më i madh në karrierë i sulmuesit të Barcelonës është Botërori i munguar, por kjo nuk e shqetëson legjendën e Argjentinës.
“Nuk i toleroj ata të cilët nuk e vlerësojnë Leon vetëm se nuk ka fituar Kupën e Botës. Në 56 vite, unë kurrë nuk kam parë një si ai“, u shpreh Maradona në “TyC Sports”.
Ndërkohë, i pyetur pse kombëtarja e Argjentinës ende nuk është rikthyer në vitet e lavdishme, ish-sulmuesi i Napolit tha se problemi është fakti se askush nuk po merret me këtë çështje. /Telegrafi/