Trajneri i Lazios, Simone Inzaghi, e ka quajtur dështim paaftësinë e teknologjisë VAR për ta vërejtur golin e Patrick Cutrones të shënuar me dorë.
Rossonerët fituan me rezultat 2-1 në San Siro me golat e shënuar nga Cutrone dhe Giacomo Bonaventura, kundrejt golit të Adam Marusic.
Mirëpo, goli i parë i vendasve që u realizua pas një ndërprerje u realizua me ndihmën e dorës, ndërsa trajneri Gennaro Gattuso tashmë ka pranuar se goli duhej anuluar.
“Në gjysmën e parë kemi mundur të luanim më mirë, mirëpo kur ishim 1-1 e goditëm shtyllën me Luis Alberton, ndërsa në gjysmën e dytë bëmë mjaftueshëm për ta merituar një barazim”.
“Milani i shfrytëzoi mirë rastet e veta dhe luajti ashtu siç duhej. Jemi penduar për rastet që i parëm për të shënuar dhe për faktin se e dominuam pjesën e dytë”, ka deklaruar Inzaghi për Mediaset Premium.
Hmmmmm looks that Cutrone goal was actually a handball/shoulderball lmao pic.twitter.com/PBpfy5jIqj
— Para (@TheParacelsus) January 28, 2018
Trajneri i Bianconcelestëve është ankuar për VAR në të kaluarën, ndërsa në rastin e golit të Cutrones, ka thënë se është një dështim i kësaj teknologjie.
“Është turp, sepse sërish duhet të merremi me situata të këtilla. Imazhetr flasin vet, nuk kam çfarë të shtoj”, ka theksuar Inzaghi. /Telegrafi/