Real Madridi ishte ndër klubet e para që nderoi Andres Iniesta pas njoftimit të tij zyrtar të pensionimit nga futbolli.
Pavarësisht se është rivali i hidhur i Barcelonës, klubi madrilen publikoi një deklaratë në faqen e tyre të internetit duke uruar më të mirën për Iniestën.
Në deklaratë thuhet: “Në nder të njoftimit të Andres Iniestas për tërheqjen e tij nga futbolli profesionist, Real Madrid CF, Presidenti dhe Bordi i Drejtorëve dëshirojnë të tregojnë njohjen, admirimin dhe dashurinë e tyre për një nga legjendat e mëdha të futbollit spanjoll dhe botëror”.
“Andres Iniesta ka kontribuar me futbollin dhe vlerat e tij në madhështinë e këtij sporti, përtej titujve të shumtë të fituar gjatë karrierës së tij. Goli i tij ikonë në finalen e Kupës së Botës 2010 në Afrikën e Jugut do të mbetet përgjithmonë në kujtesën e të gjithë tifozëve spanjollë”.
“Real Madridi i uron atij dhe familjes së tij fat të mirë në këtë fazë të re të jetës së tij”, thuhet në komunikatën e Los Blancos. /Telegrafi/
Comunicado Oficial: retirada de Andrés Iniesta.#RealMadrid
— Real Madrid C.F. (@realmadrid) October 8, 2024