Për një futbollist shënimi i një goli është diçka e veçantë, por edhe një gëzim i madh pasi në shpesh raste i jep ekipit të tij një fitore.
E goli i parë me ekipin e ri sigurisht që është një ndjenjë e veçantë, por Christian Atsun goli i parë e qoi në vdekje.
Ish-sulmuesi ganez iu bashkua skuadrës turke në shtator të vitit 2022, por që nuk luajti shumë.
Atsu realizoi golin e parë me fanellën e skuadrës turke më 5 shkurt, një ditë para tërmetit famëkeq që i solli vdekjen mijëra personave, por edhe vet atij.
Por goli i shënuar në minutën e 97-të ndaj Kasimpasas në fitoren 1-0 të Hatayspor, i ndryshoi fatin e jetës sulmuesit ganez.
This was Christian Atsu's final game in his professional football career: 90th minute free-kick to win the game for Hatayspor. Less than 24 hours later, the earthquake happened…
Such devastating news. RIP Atsu. 😢❤️ pic.twitter.com/3mn0eey0XR
— EuroFoot (@eurofootcom) February 18, 2023
31-vjeçari nuk kishte shumë hapësira dhe pas ndeshjes më 1 shkurt ndaj Gazientep kërkoi largimin nga skuadra, kërkesë që u pranua nga drejtuesit e klubit, por edhe nga trajneri Volkan Demiral.
Atsu kishte nxjerr biletën e aeroplanit për tu rikthyer në Francë dhe fluturimin e kishte më 5 shkurt në ora 23:00, vetëm gjashtë orë para tërmetit të tmerrshëm.
Por atë ditë ganezi ishte inkuadruar në lojë në sfidën ndaj Kasimpasas dhe shkëlqeu në ato tetë minuta, duke realizuar edhe një gol spektakolar për t’i dhënë fitoren ekipit të tij 1-0.
Başımız sağ olsun.
Göçük altında kalarak hayatını kaybeden futbolcumuz Christian Atsu'nun cenazesi memleketi Gana'ya gönderilmek üzere yola çıkmıştır. Seni unutmayacağız Atsu. Mekanın cennet olsun güzel insan. Üzüntümüzün tarifi yok. Huzur içinde uyu. pic.twitter.com/2CSVfwfEuR
— Hatayspor (@Hatayspor_FK) February 18, 2023
Ai gol solli shpresë për të qëndruar, pasi edhe trajneri Volkan Demirel i kërkoi qëndrimin dhe lojtari pranoi, duke anuluar biletën e avionit.
Por goli ndaj Kasimpasas doli që t’ia ndryshoj fatin e jetës Atsus, pasi ai vendosi të mbetej në Hatay vend ku gjeti edhe vdekjen.
Ish-reprezentuesi ganez qëndroi nën rrënoja për 12 ditë, kur mëngjesin e ditës së sotme (18 shkurt) u nxjerr nga rrënojat trupi i tij i pajetë.
Atsu gjatë karrierës së tij ka luajtur në Portugali për Porton dhe Rio Aven, derisa në Angli për Chelsean, Everton, Bournemouth e Newcastle United, derisa provoi edhe aventurën holandeze me Vitessen e atë spanjolle me Malagan. /Telegrafi/