Feronikeli ’74 ka pësuar humbje para adhuruesve të vet nga Llapi me rezultat minimal 1-0.
Një gol i Muhamet Hysenit në pjesën e dytë i dha tre pikë të mëdha Llapit, derisa Feronikeli mbeti pa pikë nga kjo përballje.
Trajneri i Feronikelit ’74, Shefki Kuqi pas ndeshjes ka thënë se gabimet e vogla po i kushtojnë me humbje.
“Ishte paraqitje e mirë e lojtarëve. Nuk është ajo që e kemi merituar deri tash. Jam i kënaqur me lojtarët që dhanë maksimumin”.
“Po luajmë me ekipe si Llapi, Ballkani, Prishtina e Malisheva, që po i pretendojnë tri vendet e para. Kishim kontroll të lojës dhe angazhimi i lojtarëve ishte i madh”.
“Disa gabime të vogla po na kushtojnë shumë, por duhet të punojmë e t’i përmirësojmë”, theksoi Kuqi për “ArtMotion”. /Telegrafi/