Feronikeli ’74 ishte shumë pranë të befasonte Malishvën në ‘Liman Gegaj’, por në 10 minutat e fundit vendasit shënuan dy gola për ta fituar ndeshjen.
Trajneri i Feronikelit ’74, Shefki Kuqi ka thënë se kishin shanse për të fituar ndeshjen dhe e kishin përgatitur shumë mirë atë.
“Kemi pasur shanse për të fituar. E kishim përgatitur mirë ndeshjen duke u bazuar në lojën që e kemi pasur për Kupë. I kemi ditur rreziqet nga Malisheva”.
“Kemi bërë lojë të mirë, djemtë treguan disiplinë, por penalltitë po na shkatërrojnë. Uroj të mbarojnë sa më shpejtë e të ngjallemi. Jemi përgatitur shumë mirë dhe i përgëzoj lojtarët për punën e bërë, përveç në 10-të minutat e fundit”, tha Kuqi.
Tutje trajneri vushtrrias u shpreh se Malisheva është kundërshtar shumë i vështirë.
“Malisheva është skuadër që ka marrë vetëbesim dhe është vështirë të luash kundër skuadrave si Malisheva. Erdhëm me plan të mirë dhe ishim afër fitores”.
“Nuk e pash se çfarë ndodhi te momenti i penalltisë. Edhe goli i dytë erdhi pas një situate të njëjtë si në Kupë. Malisheva është prej skuadrave më të rrezikshme në kundërsulme”, ka thënë Kuqi pas ndeshjes. /Telegrafi/