Kombëtarja shqiptare e futbollit është nisur për në qytetin e Marseilles, ku do të zhvillojë ndeshjen e dytë të fazës grupore të ‘Euro 2016’.
Shqipëria të mërkurën nga ora 21:00 luan kundër nikoqirit, Francës, ndërsa kjo ndeshje do të zhvillohet në Stade Velodrome.
Në këtë takim do të mungojë kapiteni i Shqipërisë, Lorik Cana, për shkak të kartonit të kuq që mori në përballjen ndaj Zvicrës.
Kuqezinjtë e humbën ndeshjen e parë, ashtu që do të shpresojnë për rezultat pozitiv ndaj Les Bleus. /Telegrafi/
