Të dielën, Duka dhe Dukesha e Sussex ndanë lajmin e lumtur se po presin fëmijën e tyre të dytë së bashku, teksa ndanë një fotografi bardh e zi romantike.
Në fotografinë, e cila u shkrep me iPad nga shoku dhe fotografi i tyre i vjetër Misan Harriman, çifti përqafohen së bashku ndërsa shijojnë një moment privat në natyrë.
Ndërsa Harry, 36 vjeç, i dhuron një buzëqeshje të madhe Meghan, ajo mbështet kokën në prehrin e burrit të saj dhe mban barkun e rrumbullakosur.
Për foton, nëna e ardhshme e dy fëmijëve kishte veshur një fustan të gjatë nga Carolina Herrera, i cili ishte bërë për të ndërsa ishte shtatzënë me djalin e saj, i cili do të mbushë dy vjeç më 6 maj. Meghan ka një marrëdhënie prej kohësh me drejtorin krijues të markës, Wes Gordon.
Lajmi i lumtur – të cilin ata e ndanë në Ditën e Shën Valentinit – vjen pasi Meghan, zbuloi se ajo pësoi një abort korrikun e kaluar . “Të humbasësh një fëmijë do të thotë të mbash një hidhërim pothuajse të padurueshëm, të përjetuar nga shumë, por të folur nga pak”, shkroi ajo në një ese të sinqertë dhe zemërthyer të New York Times. /Telegrafi/