Në fundjavën që vjen, Tyson Fury dhe Tom Schwarz do të përballen në Las Vegas. Ky meç shënon një hap të madh për boksierin gjerman, i cili asnjëherë më parë nuk është ndeshur me një rival të nivelit të britanikut, i cili ka qenë kampion i padiskutueshëm botëror në kategorinë e peshave të rënda.
Megjithatë, Schwarz ka përjetuar disa rrethana të çuditshme gjatë 24 dueleve profesionale që i ka zhvilluar deri më tani. Në prill të vitit 2018, ai u përball me boksierin shqiptar, Senad Gashi, i cili i shkaktoi telashe të mëdha.
Edhe pse ishte në përparësi të madhe, boksieri nga Peja e goditi kundërshtarin tri herë më kokë brenda gjashtë raundeve dhe u diskualifikua.
🧐 Just watched Tyson Fury’s reported next opponent Tom Schwarz vs Senad Gashi. Absolutely bizarre fight. Gashi was genuinely giving him trouble, but decided to headbutt him three times and then tried to continue fighting after being disqualified, sparking a brawl. pic.twitter.com/V4m8Np92dc
— Michael Benson (@MichaelBensonn) March 22, 2019
Madje, edhe pasi gjyqtari e ndërpreu duelin, Gashi nuk u ndal por iu afrua Schwarzit dhe filluan përleshjen.
Në ndërkohë, në ring hynë ekipet e boksierëve dhe stafi i sigurimit për ta ndaluar eskalimin e mëtejmë të situatës. /Telegrafi/