Një person është arrestuar pasi që gjatë kontrollit-bastisjes në afërsi të shtëpisë së tij i janë gjetur katër vazo me 8 copë bimë narkotike të llojit “Kanabis Sativa” dhe një sasi marihuanë.
Sipas raportit të Policisë bëhet e ditur se ngjarja ka ndodhur të mërkurën rreth orës 09:10, në Kamenicë.
Tutje bëhet e ditur se i dyshuari pas intervistimit me vendim të prokurorit është dërguar në mbajtje.
“Është arrestuar i dyshuari mashkull kosovar pasi që gjatë kontrollit-bastisjes në afërsi të shtëpisë tij i janë gjetur katër vazo me 8 copë bimë narkotike të llojit ,Kanabis Sativa’ dhe një sasi marihuanë në peshë 1 gram. I dyshuari pas intervistimit me vendim të prokurorit është dërguar në mbajtje”, thuhet në raport. /Telegrafi/