Një person arrestohet pasi kishte kultivuar 305 bimë narkotike të tri vende të ndryshme në Shqipëri, saktësisht në Krujë.
Sipas një njoftimi nga Policia e Shtetit, bëhet e ditur se 27-vjeçari A.D ka kultivuar bimë narkotike në fshatrat Dukagjin i Ri, Fushë-Thumanë, dhe Burrnesh, në Krujë.
Ndërkaq sipas një njoftimi, një shtetas tjetër R. K., ka pasur dijeni për këtë veprimtari kriminale, pasi një pjesë e bimëve ishin kultivuar në afërsi të një objekti në pronësi të tij, dhe nuk ka kallëzuar në organet kompetente
“Krujë/Finalizohet nga Komisariati i Policisë Krujë operacioni policor i koduar ‘Ëater gate’. Kishte kultivuar 305 bimë narkotike në 3 vende të ndryshme, vihet në pranga autori i dyshuar. Procedohet penalisht një shtetas tjetër, për moskallëzim krimi”, thuhet në njoftim.
Po ashtu sipas njoftimit, bimët narkotike janë asgjësuar.
“Si rezultat i këtij operacioni u bë arrestimi i shtetasit A. D., 27 vjeç, banues në fshatin Fushë-Thumanë. Gjithashtu u procedua në gjendje të lirë shtetasi R. K., banues në Fushë-Thumanë.
27-vjeçari ka kultivuar bimë narkotike në fshatrat Dukagjin i Ri, Fushë-Thumanë, dhe Burrnesh, ndërsa shtetasi R. K., ka pasur dijeni për këtë veprimtari kriminale, pasi një pjesë e bimëve ishin kultivuar në afërsi të një objekti në pronësi të tij, dhe nuk ka kallëzuar në organet kompetente”, thuhet në njoftim. /Telegrafi/
