Një nga periudhat më të lavdishme të Flamurtarit të Vlorës pa dyshim se është viti 1987. Në shtator të vitit 1987 eliminuan Partizanin nga Beogradi në garat e Kupës së UEFA.
Në të tetën e finales së Kupës së UEFA, klubi shqiptar qe përballur me Barcelonën, që atëkohë kishte futbollistë të njohur, si Gary Lineker, Andoni Zubizarreta, Gerardo Miranda Concepcion, Migueli, Manolo, Fernandez Bonillo Roberto, Jose Moratalla, Lobo Carrasco, Ramon Caldere, Urbano etj.
Para takimit me Barcelonën Flamurtari kishte mposhtur Partizanin e Beogradit dhe për këtë skuadër luante Fadil Vokrri.
Me 25 nëntor, në ‘Camp Nou, para më së 10 mijë shikuesve triumfoi Barcelona me rezultat 4:1 ndaj vlonjatëve.
Golat i shënuan për Barcelonën: Urbano (42′), Lineker (54′ e 55′) e Carrasco (58′) dhe për Flamurtarin Ruci (70′-nga penalltia).
Në ndeshjen e kthimit me 9 dhjetor të vitit 1987, Flamurtari tregoi lojë të madhe në stadiumin në Vlorë ku ishin mbledhur 18.500 shikues, nuk kishte vend për të gjithë.
Flamurtari triumfoi me golin e bukur të Sokol Kushtës, duke e gjunjëzuar me rezultat 1:0 Barcelonën, por u eliminuan me rezultat të përgjithshëm 4:2 nga Kupat evropiane.
Ky ishte formacioni i Flamurtarit: Anesti Arapi, Petro Ruci, Kreshnik Çipi, Rober Iljadhi, Rrapo Taho, Sokol Kushta, Vasil Ruci, Alfred Ferko, Viktor Daullja, Eqrem Memushi dhe Vasilaq Ziu.
