Transgjinorja Edona James ishte njëra ndër katër finalistet e edicionit të dytë të Big Brother VIP Kosova.
Ajo ishte një fenomen më vete i këtij viti, duke bërë për vete publikun me karakterin e saj dhe humorin brenda shtëpi.
Megjithëse është pritur mirë nga një pjesë e mirë e shqiptarëve, paragjykimet për Edonën vazhdojnë të ekzistojnë.
Një moment jo shumë i mirë u shënua kur ajo mbërriti me veturë në ‘Klan Arena’, për të parë befasinë që kishte rezervuar vëllai i madh për të.
Në mesin e shumë fansave që po prisnin jashtë, nuk munguan disa brohorima ku disa bërtisnin “Kujta Kujta, bravo Kujtim”.
Kujtim është emri origjinal me të cilin lindi Edona, e cila me ndërrimin e gjinisë vendosi që të ndërronte më pas edhe emrin.
Transgjinorja nga Suhareka nuk ka preferuar kurrë të flitet për emrin e saj të vjetër – madje shumë pak herë edhe e ka përmendur brenda shtëpisë, gjersa gjesti i disa prej fansave në ‘Klan Arena’ u pa si gjest i nënçmueshëm ndaj saj. /Telegrafi/