Ky është momenti rrëqethës kur kamerat e fshehta të instaluara brenda dhomës, filmojnë kujdestarin e një pensionisti që ka pësuar sulm në tru, duke e goditur mbi 57 herë në kokë plakun e gjorë.
Ngjarja e tmerrshme ka ndodhur në verilindje të Kinës ku shihet 77-vjeçari duke qëndruar i ulur në karrocë, derisa kujdestari 55-vjeç i vërsulet dhe pa u menduar dy herë e godet me gjithë forcën në fytyrë, transmeton Telegrafi.
Ai këtë “avaz” e vazhdoi për plot tre minuta e gjysmë duke e goditur 57 herë, ndërsa i biri i viktimës në pamundësi që të kontaktojë me kujdestarin e babait të tij, e ka raportuar rastin në polici.
Nuk dihet gjendja shëndetësore e të moshuarit, ndërsa i biri i tij ka pranuar se për shkak të angazhimeve të shumta së bashku me motrën, kishin vendosur ta punësojnë një kujdestar që të kujdeset për babanë e tyre.
“Kurrë nuk do ta besoja se kujdestari do të bënte një gjë të tillë, pasi sa herë isha në shtëpi dukej shumë i sjellshëm” , ka shtuar i biri i viktimë i identifikuar si Zhang.
Ndërkaq i pyetur se pse babai i tij nuk i është ankuar atij, ai tha se frikësohej se nëse do të ankohej do ta pësonte edhe më keq nga kujdestari.
Ai ishte munduar ta kontaktojë kujdestarin disa herë, por ai kishte fikur telefonin dhe për këtë arsye e ka raportuar rastin në polici, të cilët kanë njoftuar se janë duke hetuar me kujdes të madh rastin. /Telegrafi/
