Sot pasdite, gjegjësisht në orët e mbrëmjes, në shumë vende në Maqedoni, moti do të jetë jo i qëndrueshëm, me shi të rrëmbyeshëm dhe bubullima, përcjell Telegrafi Maqedoni.
Meteorologët paralajmërojnë se edhe në pellgun e Shkupit, pasdite dhe në mbrëmje do të ketë kushte për shi me intensitet të madh dhe erë e fortë.
Edhe nesër do të ketë kushte për mot të ligë me shi lokal të rrëmbyeshëm dhe bubullima do të ketë në pjesën jugore të vendit, veçanërisht në gjysmën e parë të ditës.
Pas ditës së nesërme, ditët në vijim do të ketë mot të qëndrueshëm, me diell dhe nxehtë. /Telegrafi/