Reperi i njohur shqiptar, Ledri Vula, ka pak ditë që ka publikuar projektin e tij më të ri muzikor “Don Mo”.
Kënga është pritur shumë mirë nga fansat, teksa ai po vazhdon të jetë në qendër të vëmendjes me paraqitjet televizive dhe ato në rrjetet sociale.
Së fundmi, rep-artisti ka nxitur pikëpyetje te fansat e tij për një video e cila po qarkullon në rrjetet sociale.
Bëhet fjalë për një video, në të cilën ai shfaqet duke shëtitur me një kalë të zi, por që asnjë detaj tjetër nuk është vënë në pah.
E gjitha çfarë bëhet e ditur është se kjo befasi do të zbulohet për fansat të dielën në Klan Kosova, me fillim nga ora 23:15.
Mbetet të shihet se cila është surpriza e tij e radhës për fansat këtë të diel. /Telegrafi/
