Komisioni Shtetëror Zgjedhor (KSHZ) planifikon që për aktivitete për zgjedhjet e parakohshme parlamentare të shpenzojë 571 milion e 500 mijë denarë. Prej tyre rreth 400 milion janë planifikuar të shpenzohen për financim të fushatës në media të partive politike të cilat do të marrin pjesë në zgjedhjet parlamentare.
“Për këtë qëllim për zgjedhje presidenciale u shpenzuan rreth 3 milion e 800 mijë euro. Tani buxheti parashikon pak më shumë se 233 milion denarë, por në pjesë e tjera kemi rezerva për të plotësuar diku rreth 400 milion denarë. Pra, ka fonde të mjaftueshme. Unë mendoj se mund të ketë nevojë për ta plotësuar këtë pjesë, por ne do të përpiqemi ta bëjmë atë duke e ridrejtuar atë nga sendet e tjera ku do të kursejmë”, tha kryetari i KSHZ-së, Oliver Derkoski në seancën e sotme të Komisionit.
KSHZ në seancë miratoi edhe planin për blerje publike që kanë të bëjnë edhe me funksionimin e rregullt të Komisionit, por edhe për realizimin e aktiviteteve zgjedhore./Telegrafi/