Hekuran Kryeziu ka kaluar gripin që kishte dhe tani është rikthyer në momentin e duhur për t’i ndihmuar Luzernit të tij.
Mesfushori i Përfaqësueses së Kosovës ka qenë vendimtar me inkuadrimin në ndeshje në pjesën e dytë.
Trajneri Markus Babel e aktivizoi Kryeziun në fushë në minutën e 60-të dhe vetëm 20 minuta më vonë doli të ishte zëvendësimi i duhur.
Në minutën e 80-të, Hekurani bëri një asistim fantastik tek shoku i skuadrës Schneuwly i cili shënoi golin e fitores 2-1 ndaj Luganos.
Kujtojmë që në golin e parë për mrekulli për Luzernin asistoi Jahmir Hyka.
Kryeziu 23-vjeçar, këtë edicion me Luzernin ka shënuar një gol dhe ka bërë katër asistime. /Telegrafi/
https://www.youtube.com/watch?v=6QzPkEcrBRY