Kryetari i OEK-ut, Berat Rukiqi, vizitoi sot kompaninë “Al Trade Center” si shenjë përkrahje për sektorin e ndërtimit.
Rukiqi shprehu rëndësinë që posedon sektori i ndërtimit në rritjen e vazhdueshme të punësimit në vendin tonë.
Gjatë kësaj vizite, Drejtori i “Al Trade Center”, Sokol Gashani falënderoi Kryetarin për vizitën dhe e vlerësoi lartë punën e OEK-ut për mbështetjen e bizneseve në përgjithësi.
Rukiqi shtoi se OEK do të jetë në përkrahje të vazhdueshme të sektorit ndërtimor për promovimin e vlerave dhe tejkalimin e problemeve me të cilat ballafaqohen kompanitë e ndërtimit.
Vizita vazhdoi edhe në kompleksin afaristo-banesor “Linda Premium Residence”, projekt që menaxhohet nga Al Trade Center.
Al Trade përveç pjesës ndërtimore posedon edhe sektore të tjera që vepron në qytete të ndryshme të Kosovës.
