Kryeministrja e Estonisë, Kaja Kallas ka pohuar se e ardhmja e Ballkanit Perëndimor është në Bashkimin Evropian.
Ajo këtë e pohoi përmes rrjeteve sociale pasi 27 vendet anëtare u takuan për të diskutuar një sërë temash, përfshirë zgjerimin, raporton euronews.
The future of #WesternBalkans is in the European Union. We affirmed this in Brussels with Western Balkan leaders.
Estonia has always supported their joining the #EU and it’s more crucial than ever to give them clear messages and deepen swift integration. pic.twitter.com/TkU6FTdlmT
— Kaja Kallas (@kajakallas) June 23, 2022
“Ne e konfirmuam këtë në Bruksel me liderët e Ballkanit Perëndimor”, shkroi ajo në Twitter gjatë samitit që pasoi një takim me shtetet e Ballkanit Perëndimor.
“Estonia ka mbështetur gjithmonë anëtarësimin e tyre në BE dhe është më e rëndësishme se kurrë t’u japim atyre mesazhe të qarta dhe të thellojmë integrimin e shpejtë”, shtoi e para e qeverisë estoneze.
Vendet anëtare thuhet se po diskutojnë nëse do të përfshijnë statusin e kandidatit për Bosnjë dhe Hercegovinën në konkluzionet e tyre përfundimtare. Ata pritet t’i japin statusin e kandidatit Ukrainës dhe Moldavisë.
Ndryshe, Kallas është takuar edhe me presidentin e Kosovës, Vjosa Osmani. /Telegrafi/
