Kryeministri i vendit, Albin Kurti ka takuar sot eurokomisionerin Johannes Hahn, ndërsa bëri të ditur se nga ai ka kërkuar më shumë fonde nga Bashkimi Evropian.
“Integrimi evropian ka të bëjë me reforma të lidhura me vlerat e BE-së. Me indikatorë të mirë ekonomik dhe performancë në sundimin e ligjit ne duhet të marrim më shumë fonde nga BE-ja.
Eurokomisionierit Johannes Hahn i kërkova më shumë mbështetje në buxhet dhe administratë…”, shkruan Kurti në Twitter.
Ndryshe, kryeministri i Republikës së Kosovës, Albin Kurti ka udhëtuar sot për në Mynih të Gjermanisë për të marrë pjesë në Konferencën e Sigurisë.
Në njoftimin e bërë për media thuhet se, kryeministri Kurti është i shoqëruar nga zëvendëskryeministrja, njëherë ministrja e Punëve të Jashtme dhe Diasporës, Donika Gërvalla. /Telegrafi/
EU integration is about reforms linked to EU values. W/ 🇽🇰 good econ. indicators & performance in rule of law we must receive more funds from the EU. I asked @JHahnEU, 🇪🇺commissioner for budget & administration for more support for education & employment of our youth.#MSC2022 pic.twitter.com/nzFOjqbHTx
— Albin Kurti (@albinkurti) February 18, 2022