Mesfushori i Real Madridit, Toni Kroos ka thënë se Kina dhe Amerika nuk janë destinacione për të, pasi pëlqen të luaj në nivele të larta dhe kundër ekipeve më të mira.
Në një intervistë të dhënë për magazinën gjermane Faz Sport të shtunën, Kross ka deklaruar se për të fituar Ligën e Kampionëve duhet të mposhtësh skuadra si Barcelona dhe Bayerni, teksa ka treguar se ka marrëdhënie të mira me trajnerin Zinedine Zidane.
“Nëse doni ta fitoni Ligën e Kampionëve, herët apo vonë ju duhet t’i mposhtni Baryernin apo Barcelonën”, ka thënë fillimisht Kroos.
“Unë gjithmonë pëlqej sfidat në futboll, të luaj kundër ekipeve më të mira”, përcjell Telegrafi.
“Zidane? Ne kemi një marrëdhënie të mirë. Ai përcjell gjithmonë ide të pastra për lojtarët”.
“Kina ose MLS? Unë kërkoj të luaj edhe për shumë vite në nivele të larta. Kina dhe Amerika nuk janë destinacione për mua si lojtarë”, përfundoi mesfushori gjerman. /Telegrafi/