Agjenti i portierit të Milanit, Gigio Donnarumma, besohet se ka kërkuar anulimin e rinovimit të kontratës të nënshrkuar nga vet portieri gjatë verës.
Sipas Il Corriere dello Sport, agjenti ka kërkuar anulimin e kontratës për shkak të “abuzimit moral” që ka pësuar Donnarumma.
Baza e kërkesës së super agjentit nuk është e kuptueshme, por qëllimi gjithsesi që po.
Gazeta sqaron se edhe vet portieri adoleshent ja ka dërguar një letër kryesisë së Milanit duke pohuar se ai ka qenë subjekt i presionit psikologjik.
Donnarumma u bë kryetemë e gazetave kur tha se nuk do të rinovojë me Milanin, para se të thyente fjalën e vet dhe të agjentit, për të nënshkruar.
Il Corriere shton se PSG dhe Reali kanë interesim konkret për yllin e ri dhe kjo ka ndikuar që Raiola të shikojë mundësinë për anulimin e rinovimit.
Kjo vetëm sa thellon situatën e rënduar te Milani që është larg prej formës më të mirë. /Telegrafi/