Nënshkrimi i një koalicioni në mes të LSDM-së dhe Dragisha Miletiqit ka shkaktuar reagime të ashpra në partinë më të madhe opozitare të bllokut maqedonas, përcjell Telegrafi Maqedoni.
Miletiq akuzohet se i mundësoi fitoren Stevçe Jakimovskit në komunën e Karposhit. Ish-deputetja e LSDM-së Vesna Bendevska ka shkraur në Facebook se ”LSDM-ja ka nënshkruar koalicion me Dragisha Miletiq, me njeriun që ia shiti vulën Stevçes, për të dështuar rezistenca ndaj regjimit të Gruevskit”.
Ashpër ka reaguar edhe Dejan Todorovski, njëri ndër kuadrot më të theksuar të kësaj partie në komunën Qendër, i cili pyet ”A keni haruar se sa bashkëpartiak tanët në Karposh mbetën pa vende pune për shkak të Dragishës, që ia dha vulat Stevçes, për ta thyer rrezistencën…..A kështu do ta rrëzojmë regjimin?
Megjithatë Zaev nuk është shqetësuar aspak nga këto reagime, duke deklaruar se Komiteti qendror i ka dhënë të drejtë që të vendosë vetë se me kë do të bëjë koalicion./Telegrafi/