Një video shqetësuese e një veterani të ushtrisë duke qëlluar veten për vdekje gjatë një transmetimi të drejtpërdrejtë ka qarkulluar në TikTok, duke bërë që shikuesit të kritikojnë aplikacionin për të mos bërë më shumë për ta hequr atë.
Sipas mediave të huaja, përcjell Telegrafi, Ronnie McNutt, 33 vjeç, një veteran i Luftës në Irak, transmetoi pamjet në Facebook duke qëlluar veten në kokë në faqen e mediave sociale më 31 gusht.
Pamjet tronditëse janë postuar edhe në TikTok dhe janë parë aq shumë herë sa disa përdorues thanë se ato u shfaqën në faqen kryesore të aplikacionit “Për Ju”.
TikTok thotë se ata janë duke ndaluar këdo që po shpërndan videon e cila është përshkruar nga përdoruesit si “jashtëzakonisht e tmerrshme”.
Por përdoruesit kanë kritikuar Tiktok, dhe disa kanë pohuar se njerëzit kanë qenë duke redaktuar videot për të përfshirë fotografitë e maceve për të mashtruar shikuesit për të parë pamjet.
‘TikTok është një aplikacion i ngatërruar’, shkroi përdoruesi i Twitter, Elise. ‘Njerëzit po postojnë videon e Ronnie Mcnutt, një djalë i cili bëri vetëvrasje në Facebook Live. Mendimet e mia janë me familjen e tij’. /Telegrafi/