Nuk janë tashmë të pakta rastet kur në tapetin e kuq të eventeve të famshme mund të shohim kreacione të dizajnerëve vendorë.
Ky është rasti i dazajneres kosovare, Lia Stublla, e cila ka realizuar veshje për emra të njohur të arenës ndërkombëtare.
Së fundmi, ajo realizoi fustanin e influencueses së famshme britanike, Patricia Bright, në para-ndejën e çmimeve BAFTA Awards 2022.
Influencuesja e cila ndiqet nga mbi 1.2 milionë ndjekës në rrjetin social Instagram, ka ndarë me ta disa fotografi nga kjo paraqitje.
Fustani i zi me një detaj vjollcë në anën e majtë, e bëri bukuroshen Patricia që të dukej mjaft tërheqëse dhe elegante.
Vet Lia publikoi në faqen e saj zyrtare në Instagram disa fotografi të influencueses me këtë kreacion, i cili është komentuar për mirë në para-ndejën e BAFTA Awards, të organizuar nga “Lancome”. /Telegrafi/