Krasniqi: Qeveria i quan “partnerë në negociata”, politikanët që thonë se Kosova është djep i Serbisë

Zëdhënsi i Lëvizjes Vetëvendosje, Frashër Krasniqi përmes një postimi në Facebook ka thënë se qeveria po vazhdon të jetë kundër Vetëvendosjes dhe kërkesave të saj, ndërkaq Serbinë dhe zyrtarët e saj i quan “partnerë në negociata”.

Postimi i plotë i Krasniqit:

– VETËVENDOSJE! kërkon bashkim kombëtar – Qeveria e quan nacionaliste;

– VETËVENDOSJE! mbanë flamurin kuq e zi – Qeveria e quan shoveniste;

– VETËVENDOSJE! proteston kundër ndarjes etnike të vendit – Qeveria e quan terroriste;

– VETËVENDOSJE! kërkon Republikë të pavarur nga Serbia – Qeveria e quan shtetrrënuese;

– Politikanët nga Serbia deklarojnë që Kosova është djep i Serbisë dhe që kurrë nuk do ta njohin Kosovën; që do të mbajnë zgjedhje në Kosovë sikur në Serbi, etj. – Qeveria i quan “partnerë në negociata”, “të parrezikshëm”, etj.