Kryetari i PDK-së, Memli Krasniqi në 23 vjetorin e çlirimit të Skenderajt, me bashkëpunëtorë nga Partia Demokratike e Kosovës ka bërë homazhe tek shtatorja e Komandantit legjendar Adem Jashari në Skenderaj, në Kompleksin Memorial në Prekaz dhe tek Memoriali i Dëshmorëve në Marinë.
Përmes një postimi në Facebook, Krasniqi duke nderuar dëshmorët e kësaj komune, u ka uruar qytetarëve të Skenderajt Ditën e Çlirimit.
“Në 23 vjetorin e çlirimit të Skenderajt, vendit të lavdishëm të mijëra patriotëve të dëshmuar ndër dekada, sot, së bashku me udhëheqësit e kësaj komune dhe kolegët nga Partia Demokratike e Kosovës, bëmë homazhe e nderime tek shtatorja e Komandantit legjendar Adem Jashari në Skenderaj, në Kompleksin Memorial të Familjes Jashari në Prekaz, si dhe tek Memoriali i Dëshmorëve në Marinë”.
“Lavdi të përjetshme dëshmorëve e martirëve të lirisë. Urime Ditën e Çlirimit, Skenderaj!”, ka shkruar Krasniqi. /Telegrafi/