Kryeministri Dimitar Kovaçevski sot pati takim me Martin Vickers, të dërguarin special për tregtinë për Ballkanin Perëndimor të kryeministrit të Mbretërisë së Bashkuar.
Në takim u bisedua për marrëdhëniet e përgjithshme Maqedoni-Britani, të cilat bashkërisht u vlerësuan si jashtëzakonisht solide, afatgjata dhe gjithëpërfshirëse. Vëmendje e veçantë iu kushtua bashkëpunimit dypalësh ekonomik dhe tregtar, ku kryeministri Kovaçevski theksoi se Mbretëria e Bashkuar është investitori i dytë më i madh i huaj direkt në vendin tonë, ndërsa Maqedonia e Veriut është partneri i parë tregtar i Mbretërisë së Bashkuar në mesin e gjashtë vendeve të Ballkanit Perëndimor.
Kovaçevski përshëndeti punën e kompanive britanike në këtë vend dhe shprehu kënaqësinë me themelimin e Asociacionit Britanik të Biznesit në Maqedoninë e Veriut, duke theksuar se kjo do të kontribuojë në avancimin e mëtejshëm të marrëdhënieve tregtare ndërmjet Mbretërisë së Bashkuar dhe Maqedonisë së Veriut dhe tërheqjen e investimeve të reja britanike në vend.
Në takim u bisedua për mundësitë e zgjerimit të bashkëpunimit ekonomik edhe në fusha të tjera.
“Qeveria që unë drejtoj është e përkushtuar për forcimin e tregtisë dhe investimeve, veçanërisht në fusha të tilla si energjia dhe infrastruktura”, shtoi tha Kovaçevski./Telegrafi/