Kryeministri Dimitar Kovaçevski sot dhe nesër vazhdon me vizitën e punës dyditëshe në Washington.
Në Uashington, siç kumtoi shërbimi qeveritar për shtyp, kryeministri Kovaçevski është parashikuar të realizojë takim me sekretarin shtetëror të SHBA-së, Antony Blinken, përfaqësuesin special të SHBA-së për Ballkanin Perëndimor dhe ndihmës sekretarin shtetëror të SHBA-së, Gabriel Escobar, zëvendës këshilltarin për siguri kombëtare të SHBA-së, Xhanatan Fajner, këshilltarin e sekretarit shtetëror të SHBA-së, Derek Chollet, të dërguarin special dhe koordinator i Qendrës për angazhim global të Departamentit të shtetit të SHBA-së, James Rubin, por edhe me disa senatorë dhe kongresmenë të SHBA-së, ndër të cilët Debi Dingel, Kris Marfi, Blendan Bojl.
Kovaçevski njëherit do të realizojë takim edhe me anëtarët e bordit të Këshillit Atlantik (Atlantic council).
Si pjesë e vizitës së punës në Uashington, kryeministri Kovaçevski do ta vizitojë universitetin prestigjioz “Jon Hopkins” në Uashington ku pas takimit me dekanin James Stajnberg, kryeministri do të mbajë fjalim edhe ligjëratë për sfidat dhe mundësitë e Maqedonisë së Veriut dhe vendeve të Ballkanit Perëndimor në rrugën e tyre evropiane, duke e marrë parasysh nevojën për zhvillim të shpejtë të rajonit.
Sipas agjendës, është planifikuar edhe takim i kryeministrit Kovaçevski me përfaqësuesit e diasporës së Maqedonisë në SHBA.