Përfaqësuesja e Kosovës e sheh veten në disavantazh 0-1 nga Bullgaria pas pjesës së parë.
Pjesa e parë e ndeshjes u karakterizua me dominim të Kosovës, si në posedim, ashtu edhe në raste më të mira, por ishin vetëm mysafirët që gjeten golin.
Goli i vetëm në 45 minutat e parë erdhi në minutën e 39-të të ndeshjes dhe ishte Vasil Bozhikov, i cili shënoi me kokë për 0-1.
Sa i përket posedimit të topit, djelmoshat e Kosovës ishin dukshëm më të mirë duke e mbajtur topin për 59 për qind të kohës, ndërsa Bullgaria me 41 për qind.
Raste të krijuara për gol, Kosova i pati katër sosh, për dallim nga Bullgaria me dy, ndërsa vendasit u gjendet një herë në pozitë jashtë loje dhe mysafirët një herë.
Kosova pati plot 252 pasime të kompletuar, për dallim nga mysafirët që kompletuan 154 sosh.
Bullgaria ishte më e ashpër në këtë pjesë duke pasur tre kartonë të verdhë, ndërsa Kosova u ndëshkua në një rast. /Telegrafi/