FIFA ka publikuar ranglistën më të re të kombëtareve të futbollit, ku Kosova ka humbur një pozitë.
Kosova në ndeshjet e shtatorit ka barazuar me Moldavinë në Parma (1-1) dhe ka humbur në stadiumin “Fadil Vokrri” nga Greqia (2-1).
Këto ndeshje kanë ndikuar që Kosova ta humbasë një pozitë në renditjen e re të FIFA-s.
“Dardanët” tani renditen në vendin e 116-të, kurse herën e fundit ishte pozicionuar në vendin e 115-të me 1174 pikë.
Në anën tjetër Shqipëria vazhdon të jetë në vendin e 66-të me 1351 pikë, pesë më pak se 1 muaj më parë.
Përpara kuqezinjve qëndron Maqedonia e Veriut që ka fituar dy pozicione falë paraqitjeve që ka bërë së fundmi. /Telegrafi/