Ambasadori amerikan në Kosovë, Philip Kosnett ka thënë sot do të punojnë me Qeverinë e re për të ndërtuar një të ardhme prosperuese për të gjithë qytetarët e Kosovës.
Kosnett në një postim në Twitter uron Kurtin dhe Qeverinë e re.
“Urime kryeministrit të Kosovës dhe qeverisë së re. Ne shpresojmë të punojmë së bashku për të ndërtuar një të ardhme në paqe, drejtësi dhe prosperitet për të gjithë qytetarët e Kosovës – dhe, më urgjentisht, për të mposhtur COVID-19…”, shkruan Kosnett.
Ndryshe, sot Avdullah Hoti ia ka dorëzuar Albin Kurtit detyrën e kryeministrit.
Qeveria Kurti ka tre zëvendëskryeministra dhe 15 ministra. Ajo u votua një ditë më parë në Kuvendin e Kosovës, me 67 vota për dhe 30 kundër. /Telegrafi/
Congratulations to Kosovo PM @albinkurti and the new government. We look forward to working together to build a future of peace, justice, and prosperity for all of Kosovo’s citizens – and, most urgently, to defeat COVID-19. #WearYourMask
— Ambassador Philip S. Kosnett (@USAmbKosovo) March 23, 2021