Ambasadori amerikan në Kosovë, Philip Kosnett, përmes një postimi në Twitter ka konfirmuar takimin me përfaqësuesit e Listës Serbe.
Siç ka bërë të ditur ambasadori amerikan, përcjell Telegrafi, ai ka pasur “biseda produktive në Mitrovicën Veriore me udhëheqjen e Listës Serbe”.
“Komuniteti serb në Kosovë meriton përfaqësues të cilët marrin pjesë aktivisht në institucione për të avokuar për interesat e tyre”, ka shkruar tutje Kosnett.
Productive conversation in Mitrovica/e North with SL leadership. The Kosovo-Serb community deserves representatives who actively participate in institutions to advocate for their interests. pic.twitter.com/WaaFD1kJjc
— Ambassador Philip S. Kosnett (@USAmbKosovo) March 29, 2019
Ndryshe, siç ka raportuar më herët Telegrafi, Kosnett është pritur nga kryetari i pjesës veriore të Mitrovicës, Goran Rakiq dhe deputeti i Listës Serbe, Igor Simiq.
Nën shoqërimin e Rakiq dhe Simiq, Kosnett ka bërë edhe një xhiro në sheshin ‘Car Llazar’, ku së bashku me të dy është ndalur në një kafene në këtë shesh. /Telegrafi/